• es
• eu

• Erabilerraztasuna
• Webgunearen mapa

KCAP-LKS estudio holandarrak Pasaiako badiako nazioarteko ideia lehiaketa irabazi du

Bi hilabeteren ondoren, Gipuzkoa Aurrerak Pasaiako Badiako hiri eremuak biziberritzeko masterplanaren aurreproiektuaren ideia lehiaketarako izendatutako epaimahaiak bere erabakia hartu du. Nazioarteko firma ezagunak iritsi ziren finalera, horien artean, S333 Architecture+Urbanism, Ezquiaga Arquitectura, Sociedad y Territorio, S. L. y WEST8 eta, azkenean,  KCAP-LKS estudio holandarra izan da irabazlea. Ondorengo pausua, Pasaiako Badiaren diseinuaren aurreproiektua egitea izango da, bai epaimahaiak eta baita hiritarren egindako iradokizunak aintzakotzat hartuz. 

 KCAP-LKS. Nazioarteko erreferentea arkitekturaren munduan..

KCAP-LKS  estudio holandarra ospe handiko firma da diseinu eta arkitekturaren munduan. Momentu honetan, nazioarteko proiektu ezberdinetan ari da lanean eta 85 pertsonaz osaturiko ekipoa du Rotterdam eta Zuricheko bulegoetan banatuta. Lanik ezagunenen artean Londres, Mosku, Amsterdan edo Singapurreko proiektuak aipa daitezke.

 Azpimarragarrienak diren proiektuen artean, epaimahaiak Hafencityko lana, Hamburgon egindakoa, nabarmendu nahi izan du, Pasaiako Badiarekin duen antzekotasunagatik, eta baita taldeko kideek Pasaiako inguruarekiko duten ezagutzagatik ere (Ángel de la Hoz, LKS).

 Pasaiako Badia berria, 7 nukleotan.

  KCAP-LKSk bere proiektuari  “Nolako badia, halako haizea. Zeru azpiko badia”, izena jarri dio, eta Badia 7 nukleotan banatu du. Bere planteamenduaren arabera, Pasai San Pedron lonja berria bizitza sozialaren ardatz moduan sustatuko da. Trintxerpen, ur parke bat eta merkatal  gune berri bat egingo dira Euskadi Etorbidean. Herreran, aldiz, Herrera eta Trintxerpera erraz iristeko parke bat diseinatuko da.

 Pasai Antxon, KCAP-LKSk itsas frente metropolitanoa egingo ditu, hirigunea itsasoraino luzatuz. Lezon ere beste itsas frente bat proiektatu da. Errenteriaren kasuan, ikerketa eta negozioetarako eraikin gunea pentsatu da. Eta, azkenik, Pasai Donibane egongo litzateke Ontziola Museo berriarekin. 

 Erakusketa ibiltaria

Holandako estudioa beste lau ekiporekin iritsi zen finalera: S333 Architecture+Urbanism, Ezquiaga Arquitectura, Sociedad y Territorio, S. L. eta WEST8. Proiektu guztiak ikusgai egongo dira datorren asteotan Pasaia, Donostia eta Errenterian antolatutako erakusketa ibiltarian.

 Hiritarren parte hartzea.

Erakusketarekin batera, Lehiaketaren antolakuntzak,  proiektu irabazlea hobetzeko asmoz, gizartearen partehartzea sustatzeko prozesu bat garatu du,Epaimahaiak iritzi guztiak hartuko ditu aintzakotzat eta interesgarrienak sar ditzan eskatuko dio  estudio holandarrari. Iradokizun horiek erakusketetan ez ezik, www.gipuzkoaurrera.net webgunean ere egin ahal izango dira.  Era berean,  Jaizkibiak martxan jarri zituen tailerrak ere egiten jarraituko dira, Badiaren azken diseinua egiteko.

Azken aurreproiektua, urrian

Epaimahaiko kideetako erakundeek eta hiritarrek egindako ekarpenaz gain, aurreproiektuak beste erakunde eta  gizarte eragileen iradokizunak jaso beharko ditu.

 Prozesua urrian amaituko da, aurreproiektuaren aurkezpenarekin hain zuzen; helburua, lurralde antolakuntzarako ideia eta inspirazio iturri izatea da

(Donostialdeako Lurralde Antolakuntza,  Bidasoa Beherakoa, Lurralde Plangintza Sektorialak) eta baita udal antolamenduan ere.